*"~Gucci囝_的_成長記~"*

在FB上看到一段疑似棄狗的片段 http://www.youtube.com/watch?v=5P6836SM04Y

睇完之後覺得心酸，隔天看到蘋果日報話這個車主伍先生其實是一位好好人，而狗狗確實係一名流浪狗叫小白

狗係一種很單純嘅動物，只要你對佢有關心有愛，佢就會有一定嘅回應～

我站在狗狗的角度，有個人經常黎俾野我食，俾水我飲，幫我戴上狗帶，放一張毛毯俾我

無論地方係街上還是屋內，我都認為呢個係我嘅主人

報紙上“流浪狗”嘅定義，唔係只係訓街就係流浪狗嘛？咁我都可以將狗狗養係街度啦

唔駛打針，唔駛攞狗牌，唔駛有任何責任，有病唔駛睇醫生，自生自滅，一句“自來狗”就搞掂晒？

大家急於証明小白係流浪狗，而伍先生係好人的話，咁如果聽日因為漁護處知道佢係流浪狗，黎捉左佢咁點算？

小白依賴痴住嘅唔係架車，而係因為架車同伍生嘅聯系，佢知道佢係架車隔離等，就會等到你，先會痴住架車

佢追住嘅係你，而唔係架車，佢期望係你可以帶佢走，而唔係掉低佢，因為你對佢嘅施捨，佢已經認定你做主人

話說有一個男人，佢係街上見到一個女人無家可歸，佢對個女人無比關愛，叫佢去屋企住，俾埋鎖匙俾埋床佢訓

又送飯又送介指俾個女人，個女人一心以為個男人係愛佢，所以佢都一心一意對佢，認定佢為生命的唯一

每日出門目送他，每天等著他⋯⋯⋯⋯

有一日有人發現已婚的男人，原來金屋藏嬌，呢個男人居然話係可憐佢，其實對佢一啲感情都無⋯⋯⋯⋯

既然你俾唔到任何野佢，點解你要令人誤會，點解要令人有奢想，點解？

概然係咁，寧願你當初對佢不睬不理，好過人地對你一心一意，你再一腳踢開人⋯⋯⋯⋯